Á döfinni
Hér má sjá þá viðburði sem eru á dagskrá á næstunni
7.-28. maí
Þriðjudagar
kl 17:40-19:40
Svövuhús
Um Arnór
Arnór Sveinsson heiti ég, og ég brenn fyrir því að leiða fólk í átt að sjálfsvinnu.
Margir sem koma til mín eru að stíga sín fyrstu skref í þessum málum, og því er gott að vera með mörg tól til að bjóða upp á. Þar sem við erum öll blanda af huga, líkama og sál, þá finnst mér mikilvægt að sjálfsvinna haldi utanum alla þessa þætti.
Í tímum hjá mér leiði ég fólk inn í slökunarástand með ýmsum aðferðum, en mikilvægast finnst mér að kenna fólki að nota þessar aðferðir sjálft, svo að það öðlist vald yfir eigin taugakerfi og líkama. Ég leiði fólk í gegnum tregður og hindranir, hvort sem þær stafa af líkamlegum eða tilfinningalegum grunni. Frekar en að týnast í nákvæmum aðferðum, reglum og formúlum, þó þær hafi sinn tilgang, legg ég áherslu á að fólk læri grundvallaratriði. Sem dæmi kenni ég ekki eina ákveðna öndunaraðferð heldur almennt um öndun og hvernig við getum nýtt okkur hana á margvíslegan máta.
Reynsla og þekking
Þegar það kemur að minni sérþekkingu þá kem ég úr ýmsum áttum, en í gegnum árin hef ég sankað að mér lærdóm frá kennurum víðsvegar um heiminn.
Eftir að ég hafði unnið á sjó í 11 ár ákvað ég a ð snúa blaðinu við og safna mér þekkingu sem við kemur heilsu. Ferðalagið hófst þegar ég lærði yoga í Taílandi og kynntist þar munki sem kendi mér hugleiðslu.
Auk þess hef ég lært eftirfarandi: Öndun, líkamsrækt, tónheilun, stoðkerfislausnir, kviðar/líffæranudd, markþjálfun, kuldaþjálfun, vatnameðferðir, jóga og hugleiðslu.
Ég held úti reglulegum námskeiðum þar sem mikið af þessu er blandað saman. Ég er bæði með staka tíma og lengri námskeið. Ég býð líka upp á einkatíma þar sem meðferðin miðast út frá þörfum einstaklingsins hverju sinni, en mörgum finnst hjálplegt að koma reglulega yfir nokkurra mánaða skeið. Ég býð nýverið upp á vatnameferðir fyrir einstaklinga og pör. Nokkrum sinnum yfir árið held ég helgar retreat þar sem mörgum af þessum aðferðum og upplifunum er blandað saman.
Það er, eins og sést, erfitt fyrir mig að lýsa mér í nokkrum orðum, en í grunninn byggja þessar aðferðir á því að komast í tengingu við innra sjálfið. Meirihluti vestræna heimsins virðist vera í streitu, kvíða eða þunglyndi, og því brenn ég fyrir því að hjálpa fólki að fylgja og hlusta á hjartað.
Svo að það sé sagt! Þá er hver einasta stund sem ég hef upplifað með Arnóri, tækifæri mitt til þess að færast nær sjálfum mér & uppruna mínum. Frá fyrstu tímum sem ég sótti gaf hann mér þessa stórfenglegu einglægu nærveru & breyttist strax í ákveðna fyrirmynd í mínu ferðalagi í leit að því að vera besta útgáfan af sjálfum mér! Vegna þessa hef ég sótt fjölmarga tíma hjá Arnóri og eru uppáhalds tímarnar sem hann heldur reglulega 3 klst kakó hugleiðsla & tónheilun. Ég geri plönin mín í kringum þá tíma, þar sem ég vill alls ekki missa af þeim. Einnig í amstri dagsins hentar mér að hann sé með opna tíma sem ég get hoppað á og upplifað þegar mér hentar að mæta, eins og miðvikudags tímana (öndun, tónheilun & djúpslökun) sem er góð leið fyrir mig til að stilla mig af í miðri viku. Ég klárlega mæli með að upplifa alla vega einu sinni að fara í nálægð við þennan kærleiksríka strák & taka einkatíma hjá honum þar sem hann leiðir þig í óskiptri athygli í gegnum öndun, yoga, hugleiðslu & tónheilun. Mitt ferðalag í auðmýkt og kærleik varð vonum framar og lífið fallegra eftir að ég fékk að njóta leiðsagnar Arnórs í lífi mínu! Namaste!
Sumarið 2019 breyttist líf mitt! Ég opnaði dyr sem hafa fyllt hjartað mitt af eintómri hamingju Arnór var einn þeirra sem kom inn í líf mitt og hefur fært mér svo mikla visku,skilning,einlægni og vináttu. Hann er algjör galdramaður og leiðir hvern og einn tíma af svo mikilli ást, virðingu og krafti. Maður kemst á flug þar sem allt er mögulegt og leiðin er einfaldlega greið. Hann fær þig til að hugsa! Endurskoða og meta allar aðstæður í öðru ljósi sem styrkir innsæið þitt á allt öðru stigi Þinn innri fugl verður Loksins frjáls. Ég mæli eindregið með þessari einstöku sál sem ég hef fengið þau forréttindi að kynnast. Ég vona að allir taki skrefið í þetta einstaka ferðalag sem hann býður manni upp á í mörgum myndum (Whim hof öndun, buteyko öndun, haf öndun, cacao ceramonium , netnámskeiðum og einkatímum. Takk fyrir allt elsku vinur "
"Ég get ekki mælt nógu mikið með einkasession hjá Arnóri í fallegri náttúruparadís þar sem hann býr rétt fyrir utan borgina. Hann hefur sérstakann hæfileika og færni í að halda rými á meðan á djúpu heilunarferli stendur.Cacao, ásetningur, leiddar öndunaræfingar, hljóðheilun tíbetskra söngskála og vefjalosun og útkoman er algjör endurnæring sálar og líkama."
Frábær námskeið - frábær kennari - nærandi á allan hátt
Í boði
Tímar og aðferðir sem ég býð upp á
Einkatímar
Einkatímar
Ég býð upp á margvíslega einkatíma og notast þar við ýmsar mismunandi aðferðir
- Líkami & Andi (blanda af ýmsu)
- Einkatími í kviðnuddi
- Einkatími í tónheilun
- Einkatími í öndun
- Einkatími í markþjálfun
- Einkatími í vatnameðferð
Vertu í sambandi!
Ef þú ert með fyrirspurnir um námskeið, einkatíma eða hvað sem er, ekki hika við að hafa samband.
Póstlisti
Skráðu þig á póstlistann okkar til að fá nýjustu fréttir og upplýsingar um námskeið og viðburði.
